പ്രിയപ്പെട്ട മക്കളെ, വലിയ ആത്മീയ പരീക്ഷണങ്ങളുടെ ഭാവിയിലേക്കാണ് നിങ്ങൾ നടക്കുന്നത്. നിങ്ങളുടെ വിശ്വാസം നിമിത്തം നിങ്ങൾ പീഡിപ്പിക്കപ്പെടും, എങ്കിലും പിൻവാങ്ങരുത്. എന്റെ കർത്താവ് നിങ്ങളോടൊപ്പം നടക്കും, നിങ്ങൾ വിജയികളാകും. ഈ ലോകത്തിന്റെ നേട്ടങ്ങൾ മാഞ്ഞുപോകുന്നതാണ്. ദൈവത്തിൽ നിന്നും വരുന്നതിനെ നിങ്ങൾ തേടുവിൻ. നിങ്ങളെ സത്യത്തിൽ നിന്നും അകറ്റാൻ പിശാച് പ്രവർത്തിക്കുന്നു. നിങ്ങൾ നിങ്ങളുടെ കരങ്ങൾ എനിക്കു തരിക, ഞാൻ നിങ്ങളെ സുരക്ഷിത പാതയിലൂടെ നയിക്കാം. നിങ്ങളുടെ സമ്പൂർണ്ണ നന്മയും, നിങ്ങളുടെ പേര് അറിയാവുന്നതുമായ അവിടുന്നിലേക്ക് നിങ്ങൾ തിരിയുക. കുരിശില്ലാതെ വിജയമില്ല. എന്തുതന്നെ സംഭവിച്ചാലും നിങ്ങൾ മറക്കരുത്: ശരീരം, രക്തം, ആത്മാവ്, ദിവ്യത്വം, എന്നിവയാൽ എന്റെ ഈശോ ദിവ്യകാരുണ്യത്തിൽ സന്നിഹിതനാണ് എന്നത് മാറ്റം വരുത്താൻ പറ്റാത്ത സത്യമാണ്. വ്യാജ പ്രബോധനങ്ങളുടെ ചെളിയാൽ മലിനമാകാൻ നിങ്ങൾ നിങ്ങളെ അനുവദിക്കരുത്. നിങ്ങൾ കർത്താവിന്റെ സ്വന്തമാണ്, നിങ്ങൾ അനുഗമിക്കുകയും ശുശ്രൂഷിക്കുകയും ചെയ്യേണ്ടത് അവനെ മാത്രമാകുന്നു. ഭയം കൂടാതെ മുന്നേറുക. ഇന്നേ ദിവസം പരമപരിശുദ്ധ ത്രിത്വത്തിന്റെ നാമത്തിൽ ഞാൻ നിങ്ങൾക്ക് അയക്കുന്ന (നൽകുന്ന) സന്ദേശം ഇതാണ്. ഒരിക്കൽ കൂടി നിങ്ങളോടൊത്ത് ചേരാൻ എന്നെ അനുവദിച്ചതിനു നന്ദി. പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ ഞാൻ നിങ്ങളെ ആശീർവ്വദിക്കുന്നു. ആമേൻ. സമാധാനത്തിൽ ആയിരിക്കുക.
