പ്രിയ മക്കളെ, പിശാചിന്റെ പുക എല്ലായിടത്തേക്കും വ്യാപിക്കുകയും, എൻ്റെ പാവപ്പെട്ട മക്കളിൽ ആത്മീയ അന്ധത ഉണ്ടാക്കുകയും ചെയ്യും. പൂർണ്ണമായും നിങ്ങളെ സ്വതന്ത്രരാക്കുകയും, നിങ്ങളെ സ്നേഹിക്കുകയും തുറന്ന കരങ്ങളാൽ കാത്തിരിക്കുകയും ചെയ്യുന്ന കർത്താവിനെ ശുശ്രൂഷിക്കുകയും ചെയ്യുക. നിങ്ങൾ ഭയപ്പെടരുത്. കർത്താവിനോടൊപ്പം നടക്കുക, അവിടുന്ന് നിങ്ങളെ വിജയത്തിലേക്ക് നയിക്കും. പരീക്ഷണങ്ങളുടെ ഭാരം നിങ്ങൾക്കനുഭവപ്പെടുമ്പോൾ, നിങ്ങൾ ഈശോയെ വിളിക്കുക. പ്രാർത്ഥനയിൽ ഉറച്ചുനിൽക്കാൻ ഞാൻ നിങ്ങളോട് ആവശ്യപ്പെടുകയാണ്. പ്രാർത്ഥനയുടെ ശക്തിയാൽ മാത്രമെ നിങ്ങളുടെ വിശ്വാസത്തിൽ നിങ്ങൾക്ക് ഉറച്ച് നിൽക്കാൻ കഴിയുകയുള്ളൂ. ഞാൻ നിങ്ങളുടെ മാതാവാണ്, ഞാൻ സ്വർഗ്ഗത്തിൽ നിന്നും വന്നത് നിങ്ങളെ സ്വർഗ്ഗത്തിലേക്ക് കൊണ്ടുപോകാനാണ്. നിങ്ങൾ ലോകത്തിൽ നിന്നും അകന്നു പോകുക, കർത്താവ് നിങ്ങളുടെ ജീവിതത്തിൽ പ്രത്യേക സ്ഥാനം അലങ്കരിക്കട്ടെ. സത്യത്തിന്റെ പ്രതിരോധത്തിൽ മുന്നേറുക. ഇന്നേ ദിവസം പരമപരിശുദ്ധ ത്രിത്വത്തിന്റെ നാമത്തിൽ ഞാൻ നിങ്ങൾക്ക് അയക്കുന്ന (നൽകുന്ന) സന്ദേശം ഇതാണ്. ഒരിക്കൽ കൂടി നിങ്ങളോടൊത്ത് ചേരാൻ എന്നെ അനുവദിച്ചതിനു നന്ദി. പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ ഞാൻ നിങ്ങളെ ആശീർവ്വദിക്കുന്നു. ആമേൻ. സമാധാനത്തിൽ ആയിരിക്കുക.
