പ്രിയ മക്കളെ, വിശുദ്ധിയിലേക്കുള്ള പാത മുഴുവനും തടസ്സങ്ങൾ നിറഞ്ഞതാണ്, എന്നാൽ സ്വർഗ്ഗത്തിലേക്കുള്ള പാത കാൽവരിയിലൂടെയാണ് കടന്നുപോകുന്നതെന്ന കാര്യം നിങ്ങൾ മറക്കരുത്. കുരിശ് വഹിക്കാതെ നിങ്ങൾക്ക് സ്വർഗ്ഗത്തിലെത്താൻ കഴിയില്ല. നിങ്ങൾ നിങ്ങളുടെ ഹൃദയങ്ങൾ തുറക്കുകയും, നിങ്ങളുടെ ജീവിതത്തെക്കുറിച്ചുള്ള ദൈവീക പദ്ധതി നിങ്ങൾ സ്വീകരിക്കുകയും ചെയ്യുവിൻ. മനുഷ്യകുലം സ്രഷ്ടാവിൽ നിന്ന് അകന്നുപോകുകയും, മനുഷ്യർ തങ്ങളുടെതന്നെ കരങ്ങളാൽ നിർമ്മിതമായ തകർച്ചയുടെ പടുകുഴിയിലേക്ക് നടന്നുകൊണ്ടിരിക്കുകയുമാണ്. പിശാചിന്റെ പുക എല്ലായിടത്തേക്കും പടർന്നിരിക്കുന്നു, എൻ്റെ പാവപ്പെട്ട മക്കളിൽ പലരും, അന്ധരെ നയിക്കുന്ന മറ്റ് അന്ധന്മാരെപ്പോലെ നടക്കുകയാണ്. നിങ്ങൾ മറക്കരുത്: പരിശുദ്ധ ജപമാലയും, വേദപുസ്തകവും (ബൈബിൾ) നിങ്ങളുടെ കരങ്ങളിലും; സത്യത്തോടുള്ള സ്നേഹം നിങ്ങളുടെ ഹൃദയത്തിലും ഉണ്ടാകണം. വേദനാജനകമായൊരു ഭാവിയിലേക്കാണ് നിങ്ങൾ നടക്കുന്നത്. ദൈവ ഭവനത്തിൽ ഭിന്നത ഉണ്ടാകുകയും, സമർപ്പിതർ യുദ്ധത്തിലായിരിക്കുകയും ചെയ്യുന്നതാണ്. നിങ്ങൾ നിങ്ങളുടെ കരങ്ങൾ എനിക്കു തരിക, മഹത്തായ വിജയത്തിലേക്ക് ഞാൻ നിങ്ങളെ നയിക്കാം. ധൈര്യമായിരിക്കുക. നിങ്ങൾ തനിച്ചല്ല. എൻ്റെ ഈശോ നിങ്ങളോടൊപ്പം നടക്കുന്നു. ഭയം കൂടാതെ മുന്നേറുക. ഇന്നേ ദിവസം പരമപരിശുദ്ധ ത്രിത്വത്തിന്റെ നാമത്തിൽ ഞാൻ നിങ്ങൾക്ക് അയക്കുന്ന (നൽകുന്ന) സന്ദേശം ഇതാണ്. ഒരിക്കൽ കൂടി നിങ്ങളോടൊത്ത് ചേരാൻ എന്നെ അനുവദിച്ചതിനു നന്ദി. പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ ഞാൻ നിങ്ങളെ ആശീർവ്വദിക്കുന്നു. ആമേൻ. സമാധാനത്തിൽ ആയിരിക്കുക.
