പ്രിയ മക്കളെ, നിങ്ങൾ നിങ്ങളുടെ മുട്ടുകുത്തി പ്രാർത്ഥിക്കുക. വേദനാജനകമായ ഒരു ഭാവിയിലേക്കാണ് നിങ്ങൾ നടക്കുന്നത്. ഒരു വലിയ യുദ്ധം ഉണ്ടാകുന്നതാണ്. അതിക്രുദ്ധമായ ഒരു സൈന്യം ദൈവജനത്തിനെതിരെ പ്രവർത്തിക്കും, എങ്കിലും നിങ്ങളുടെ ധൈര്യം കെട്ടുപോകരുത്. നിങ്ങളുടെ പ്രതിരോധ ആയുധം സത്യമാണ്. നിങ്ങൾ ഈശോയേയും അവിടുത്തെ സുവിശേഷത്തെയും സ്വീകരിക്കുക. എൻ്റെ ഈശോയുടെ സഭയുടെ യഥാർത്ഥ പ്രബോധനത്തോട് വിശ്വസ്തരായിരിക്കുക. നിങ്ങൾ ധൈര്യമുള്ള പുരുഷന്മാരും സ്ത്രീകളും ആകുക. എന്റെ ഈശോയ്ക്ക് നിങ്ങൾ ഓരോരുത്തരെയും ആവശ്യമുണ്ട്. നിങ്ങൾ നിരുത്സാഹപ്പെടരുത്. നിങ്ങൾ തനിച്ചല്ല. ഞാൻ നിങ്ങളുടെ മാതാവാണ്, ഞാൻ എല്ലായ്പ്പോഴും നിങ്ങളോടൊപ്പമുണ്ടാകും. സത്യത്തിന്റെ പ്രതിരോധത്തിൽ മുന്നേറുക. ദൈവത്തിന്റെ വെളിച്ചത്തിലേക്ക് നിങ്ങൾ നിങ്ങളുടെ ഹൃദയങ്ങൾ തുറക്കുക, നിങ്ങൾ ഒരിക്കലും വഞ്ചിക്കപ്പെടുകയില്ല. ഇന്നേ ദിവസം പരമപരിശുദ്ധ ത്രിത്വത്തിന്റെ നാമത്തിൽ ഞാൻ നിങ്ങൾക്ക് അയക്കുന്ന (നൽകുന്ന) സന്ദേശം ഇതാണ്. ഒരിക്കൽ കൂടി നിങ്ങളോടൊത്ത് ചേരാൻ എന്നെ അനുവദിച്ചതിനു നന്ദി. പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ ഞാൻ നിങ്ങളെ ആശീർവ്വദിക്കുന്നു. ആമേൻ. സമാധാനത്തിൽ ആയിരിക്കുക.
