പ്രിയ മക്കളെ, നിങ്ങളുടെ കരങ്ങൾ നിങ്ങൾ എനിക്കു തരിക. വലിയ പരീക്ഷണങ്ങളുടെ ഭാവിയിലേക്കാണ് നിങ്ങൾ നടക്കുന്നത്, പ്രാർത്ഥനയുടെ ശക്തിയാൽ മാത്രമെ നിങ്ങൾക്ക് പരീക്ഷണങ്ങളുടെ ഭാരം വഹിക്കാൻ കഴിയുകയുള്ളൂ. നിങ്ങൾ ഈശോയോടു കൂടെയായിരിക്കുക. അവിടുത്തെ കൃപയിൽ നിന്നും നിങ്ങൾ പിന്തിരിയരുത്. എൻ്റെ കർത്താവ് തിടുക്കത്തിലാണ്, അവിടുത്തെ വിളിയോടുള്ള നിങ്ങളുടെ സമ്മതത്തിനായി കാത്തിരിക്കുകയും ചെയ്യുന്നു. നിങ്ങൾ സ്വയം ഹാജരാകുക. എൻ്റെ കർത്താവ് നിങ്ങളെ സ്നേഹിക്കുകയും, തുറന്ന കരങ്ങളാൽ നിങ്ങളെ കാത്തിരിക്കുകയും ചെയ്യുന്നു. എന്റെ ഈശോയുടെ സുവിശേഷത്തെ നിങ്ങൾ സ്വീകരിക്കുകയും, അവിടുത്തെ സഭയുടെ യഥാർത്ഥ പ്രബോധനത്തിൻ്റെ പഠനങ്ങളോട് നിങ്ങൾ വിശ്വസ്തരായിരിക്കുകയും ചെയ്യുവിൻ. ധൈര്യമായിരിക്കുക. കർത്താവ് നീതിമാൻമാർക്കായി കരുതി വെച്ചവ, മനുഷ്യ നേത്രങ്ങൾ ഇതുവരെ കണ്ടിട്ടില്ല. നിങ്ങളുടെ വിശ്വാസത്തെപ്രതി നിങ്ങൾ പീഡിപ്പിക്കപ്പെടും, എന്നാൽ നിങ്ങൾ പിൻവാങ്ങരുത്. നിങ്ങളുടെ പ്രതിഫലം കർത്താവിൽനിന്നും വരുന്നതാണ്. സത്യത്തിന്റെ പ്രതിരോധത്തിൽ മുന്നേറുക. ഇന്നേ ദിവസം പരമപരിശുദ്ധ ത്രിത്വത്തിന്റെ നാമത്തിൽ ഞാൻ നിങ്ങൾക്ക് അയക്കുന്ന (നൽകുന്ന) സന്ദേശം ഇതാണ്. ഒരിക്കൽ കൂടി നിങ്ങളോടൊത്ത് ചേരാൻ എന്നെ അനുവദിച്ചതിനു നന്ദി. പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ ഞാൻ നിങ്ങളെ ആശീർവ്വദിക്കുന്നു. ആമേൻ. സമാധാനത്തിൽ ആയിരിക്കുക.
