പ്രിയ മക്കളെ, ഞാൻ നിങ്ങളുടെ മാതാവാണ്, ഭൂമിയിൽ ഇതിനകം സന്തോഷത്തോടെയും, പിന്നീട് എന്നോടൊപ്പം സ്വർഗത്തിലും, നിങ്ങളെ കാണാൻ ഞാൻ ആഗ്രഹിക്കുന്നു. എന്റെ മകൻ ഈശോയുടെ സംരക്ഷകരാകാൻ ഞാൻ നിങ്ങളോട് ആവശ്യപ്പെടുകയാണ്. പ്രയാസകരമായ സമയങ്ങൾ വരുന്നതാണ്. നിങ്ങളുടെ ആത്മീയജീവിതത്തിൽ കരുതലുള്ളവരാകുക, അപ്പോൾ മാത്രമെ വരാനിരിക്കുന്ന പരീക്ഷണങ്ങളുടെ ഭാരം വഹിക്കാൻ നിങ്ങൾക്ക് കഴിയുകയുള്ളൂ. എൻ്റെ ഈശോയുടെ വചനങ്ങളിലൂടെയും, ദിവ്യകാരുണ്യത്തിലൂടെയും നിങ്ങൾ ശക്തി തേടുക. പിശാചിനെ വിജയിക്കാൻ നിങ്ങൾ അനുവദിക്കരുത്. നിങ്ങളുടെ ഏക വഴിയും, സത്യവും, ജീവനുമായവനിലേക്കു നിങ്ങൾ തിരിയുവിൻ. സത്യം ഏതാനും ഹൃദയങ്ങളിൽ ഉണ്ടായിരിക്കുകയും, ബൃഹത്തായ ബാബേൽ എല്ലായിടത്തേക്കും വ്യാപിക്കുകയും ചെയ്യുന്ന ദിവസം വരുന്നതാണ്. വിശ്വസ്തരായ സമർപ്പിതർ കഷ്ടതയുടെ കയ്പേറിയ പാനപാത്രത്തിൽ നിന്നും കുടിക്കും. നിങ്ങൾ നിരുത്സാഹപ്പെടരുത്. ഞാൻ പറയുന്നത് നിങ്ങളെ ഭയപ്പെടുത്താനല്ല. നിങ്ങൾ ശ്രദ്ധാലുവായിരിക്കുക. സുവിശേഷവും, എൻ്റെ ഈശോയുടെ സഭയുടെ യഥാർത്ഥ പ്രബോധനത്തിൻ്റെ പഠനങ്ങളും, നിങ്ങളുടെ വലിയ പ്രതിരോധ ആയുധങ്ങളായിരിക്കും. എന്റെ അപേക്ഷകൾ നിങ്ങൾ സ്വീകരിക്കുമ്പോൾ, നിങ്ങൾ വിജയികളാകും. ഭയപ്പെടാതെ മുന്നോട്ട് പോകുക. ഇന്നേ ദിവസം പരമപരിശുദ്ധ ത്രിത്വത്തിന്റെ നാമത്തിൽ ഞാൻ നിങ്ങൾക്ക് അയക്കുന്ന (നൽകുന്ന) സന്ദേശം ഇതാണ്. ഒരിക്കൽ കൂടി നിങ്ങളോടൊത്ത് ചേരാൻ എന്നെ അനുവദിച്ചതിനു നന്ദി. പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ ഞാൻ നിങ്ങളെ ആശീർവ്വദിക്കുന്നു. ആമേൻ. സമാധാനത്തിൽ ആയിരിക്കുക.
