പ്രിയ മക്കളെ, നിങ്ങൾ സത്യത്തെ സ്നേഹിക്കുകയും പ്രതിരോധിക്കുകയും ചെയ്യുക. എൻ്റെ ഈശോ നിങ്ങളോടു കൂടെയുണ്ട്, നിങ്ങളുടെ ആത്മാർത്ഥവും ധീരവുമായ സാക്ഷ്യത്തിനായി കാത്തിരിക്കുകയും ചെയ്യുന്നു. എല്ലായ്പ്പോഴും നിങ്ങൾ അവിടുത്തെ അന്വേഷിക്കുവിൻ. എന്റെ ഈശോ നിങ്ങളെ സ്നേഹിച്ചു, എങ്ങനെ സ്നേഹിക്കണമെന്ന് നിങ്ങളെ പഠിപ്പിക്കുകയും ചെയ്തു; അവിടുന്ന് സ്വർഗ്ഗത്തിലേക്ക് ആരോഹണം ചെയ്തു, എന്നാൽ, അവിടുന്ന് വാഗ്ദാനം ചെയ്തതുപോലെ, തൻ്റെ സഭയോടൊത്തായിരിക്കുകയും (ദിവ്യകാരുണ്യത്തിലൂടെ) ചെയ്തു. അവിടുന്ന് ശരീരം, രക്തം, ആത്മാവ്, ദിവ്യത്വം എന്നിവയാൽ ദിവ്യകാരുണ്യത്തിൽ സന്നിഹിതനാണ്. ദിവ്യകാരുണ്യം, അവിടുത്തെ സഭയുടെ ഏറ്റവും വലിയ നിധിയാകുന്നു. ഈ മഹത്തായ സത്യത്തെ നിങ്ങൾ ഭയപ്പെടാതെ പ്രതിരോധിക്കുക, രക്ഷയുടെ പാതയിൽ നിന്ന് നിങ്ങളെ അകറ്റാൻ നിങ്ങൾ നിങ്ങളുടെ ശത്രുക്കളെ അനുവദിക്കരുത്. ആത്മീയമായൊരു വലിയ ആശയക്കുഴപ്പത്തിലേക്കാണ് നിങ്ങൾ നടക്കുന്നത്. ആട്ടിൻകുട്ടികളായി വേഷംമാറിയ ചെന്നായ്ക്കൾ യഥാർത്ഥത്തിൽ ചെന്നായ്ക്കളാണെന്ന് അവരുടെ പ്രവൃത്തികളാൽ കാണിക്കും. നിങ്ങൾ ജാഗ്രത പാലിക്കുക. എന്റെ ഈശോ നിങ്ങളുടെ നല്ല ഇടയനാണ്. അവിടുന്ന് നിങ്ങളെ ഉപേക്ഷിക്കുകയില്ല. ഞാൻ നിങ്ങളെ സ്നേഹിക്കുന്നു, ഞാൻ സ്വർഗ്ഗത്തിൽനിന്നും വന്നത് നിങ്ങളെ സഹായിക്കാനാണ്. നിങ്ങൾ എന്നെ ശ്രവിക്കുക. പിശാചിനെ വിജയിക്കാൻ നിങ്ങൾ അനുവദിക്കരുത്. ഇന്നേ ദിവസം പരമപരിശുദ്ധ ത്രിത്വത്തിന്റെ നാമത്തിൽ ഞാൻ നിങ്ങൾക്ക് അയക്കുന്ന (നൽകുന്ന) സന്ദേശം ഇതാണ്. ഒരിക്കൽ കൂടി നിങ്ങളോടൊത്ത് ചേരാൻ എന്നെ അനുവദിച്ചതിനു നന്ദി. പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ ഞാൻ നിങ്ങളെ ആശീർവ്വദിക്കുന്നു. ആമേൻ. സമാധാനത്തിൽ ആയിരിക്കുക.
