പ്രിയ മക്കളെ, സംശയങ്ങളുടെയും അനിശ്ചിതത്വങ്ങളുടെയും ഭാവിയിലേക്കാണ് നിങ്ങൾ നടക്കുന്നത്, എങ്കിലും എന്റെ ഈശോ നിങ്ങളെ കൈവിടുകയില്ല. നിങ്ങളെ സ്നേഹിക്കുകയും, നാമത്താൽ നിങ്ങളെ അറിയുകയും ചെയ്യുന്ന അവിടുന്നിൽ നിങ്ങൾ വിശ്വസിക്കുക. സമർപ്പിതരായ പലരും മലിനമാക്കപ്പെടുകയും, യഥാർത്ഥ വിശ്വാസം ഉപേക്ഷിക്കുകയും ചെയ്യും. ദൈവ ഭവനത്തിൽ സത്യം സംരക്ഷിക്കുന്നവർ കുറവായിരിക്കും. എന്റെ ഈശോയുടെ സഭയ്ക്കുവേണ്ടിയുള്ള നിങ്ങളുടെ പ്രാർത്ഥന ശക്തമാക്കാൻ ഞാൻ നിങ്ങളോട് ആവശ്യപ്പെടുകയാണ്. വലിയ ആശയക്കുഴപ്പം എല്ലായിടത്തും വ്യാപിക്കും. ധൈര്യമായിരിക്കാൻ ഞാൻ നിങ്ങളോട് ആവശ്യപ്പെടുകയാണ്. നിങ്ങൾ സ്നാപകനെ യോഹന്നാനെ അനുകരിച്ച്, ദൈവത്തിൽനിന്നുള്ളവയെ പ്രതിരോധിക്കുക. ഈ ജീവിതത്തിലുള്ള എല്ലാം കടന്നുപോകും, എങ്കിലും നിങ്ങളിലുള്ള ദൈവകൃപ നിത്യമായതാണ്. സത്യത്തെ കാത്തുകൊണ്ട് മുന്നേറുക. ഇന്നേ ദിവസം പരമപരിശുദ്ധ ത്രിത്വത്തിന്റെ നാമത്തിൽ ഞാൻ നിങ്ങൾക്ക് അയക്കുന്ന (നൽകുന്ന) സന്ദേശം ഇതാണ്. ഒരിക്കൽ കൂടി നിങ്ങളോടൊത്ത് ചേരാൻ എന്നെ അനുവദിച്ചതിനു നന്ദി. പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ ഞാൻ നിങ്ങളെ ആശീർവ്വദിക്കുന്നു. ആമേൻ. സമാധാനത്തിൽ ആയിരിക്കുക.
