പ്രിയ മക്കളെ, എന്റെ ഈശോയുടെ സഭയ്ക്ക് പ്രയാസകരമായ സമയങ്ങൾ വരുന്നതാണ്. സത്യത്തെ സ്നേഹിക്കുകയും പ്രതിരോധിക്കുകയും ചെയ്യുന്നവർ കഷ്ടതയുടെ കയ്പേറിയ പാനപാത്രത്തിൽ നിന്നും കുടിക്കും. ഒരു വലിയ പീഡനം എല്ലായിടത്തേക്കും വ്യാപിക്കും. നിങ്ങൾ നിങ്ങളുടെ മുട്ടു കുത്തി പ്രാർത്ഥിക്കുവിൻ. ഞാൻ നിങ്ങളുടെ വ്യാകുലയായ മാതാവാണ്, നിങ്ങൾക്ക് വരാനിരിക്കുന്നവയെയോർത്ത് ഞാൻ വേദനയനുഭവിക്കുകയാണ്. നിങ്ങൾ ശ്രദ്ധാലുവായിരിക്കുക. ഭൂതകാലത്തിന്റെ മഹത്തായ പാഠങ്ങൾ നിങ്ങൾ മറക്കരുത്. നിങ്ങൾ തനിച്ചല്ല. എൻ്റെ മകൻ ഈശോ നിങ്ങളോടൊപ്പമുണ്ടാകും. നിങ്ങൾ അവനിൽ വിശ്വസിക്കുക, നിങ്ങൾ വിജയികളാകും. നിങ്ങൾ നിങ്ങളുടെ കരങ്ങൾ എനിക്കു തരിക, വിശ്വാസത്തിന്റെ സുരക്ഷിത താവളത്തിലേക്ക് ഞാൻ നിങ്ങളെ നയിക്കാം. ധൈര്യമായിരിക്കുക. എല്ലാം നഷ്ടപ്പെട്ടതായി തോന്നുമ്പോൾ, കർത്താവ് നീതിമാന്മാർക്ക് അനുകൂലമായി പ്രവർത്തിക്കും. സത്യത്തിന്റെ പ്രതിരോധത്തിൽ മുന്നോട്ടു പോകുക. ഇന്നേ ദിവസം പരമപരിശുദ്ധ ത്രിത്വത്തിന്റെ നാമത്തിൽ ഞാൻ നിങ്ങൾക്ക് അയക്കുന്ന (നൽകുന്ന) സന്ദേശം ഇതാണ്. ഒരിക്കൽ കൂടി നിങ്ങളോടൊത്ത് ചേരാൻ എന്നെ അനുവദിച്ചതിനു നന്ദി. പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ ഞാൻ നിങ്ങളെ ആശീർവ്വദിക്കുന്നു. ആമേൻ. സമാധാനത്തിൽ ആയിരിക്കുക.
