പ്രിയ മക്കളെ, ഞാൻ നിങ്ങളുടെ മാതാവാണ്, ഞാൻ നിങ്ങളെ സ്നേഹിക്കുന്നു. ഞാൻ വിളിക്കുമ്പോൾ നിങ്ങൾ നിങ്ങളുടെ ഹൃദയങ്ങൾ തുറക്കുക, ഞാൻ നിങ്ങളെ എൻ്റെ മകൻ ഈശോയിലേക്ക് നയിക്കാം. മനുഷ്യർ സ്രഷ്ടാവിൽ നിന്ന് അകന്നുപോയതിനാൽ, മനുഷ്യകുലം ആത്മീയമായ അന്ധതയിൽ നടക്കുകയാണ്. നിങ്ങൾ പിന്തിരിഞ്ഞു മാനസാന്തരപ്പെടുവിൻ, എങ്കിൽ മാത്രമേ നിങ്ങൾ രക്ഷിക്കപ്പെടുകയുള്ളൂ. സത്യത്തിന്റെ സംരക്ഷകരാകാൻ ഞാൻ നിങ്ങളോട് ആവശ്യപ്പെടുകയാണ്. സമർപ്പിതരായ നിരവധി ആളുകളെ പിശാച് വഞ്ചിക്കും, എന്റെ പാവപ്പെട്ട ധാരാളം മക്കൾ സത്യം തേടുകയും, കുറച്ച് സ്ഥലങ്ങളിൽ അവർ അത് കണ്ടെത്തുകയും ചെയ്യും. വിശ്വാസികളുടെയിടയിൽ എല്ലായിടത്തും ആശയക്കുഴപ്പം വ്യാപിക്കും, അന്ധരെ നയിക്കുന്ന അന്ധന്മാരെപ്പോലെ അനേകം പേർ നടക്കുന്നതാണ്. നിങ്ങൾ നിങ്ങളുടെ മുട്ടു കുത്തി പ്രാർത്ഥിക്കുക. എന്തുതന്നെ സംഭവിച്ചാലും, നിങ്ങളുടെ വിശ്വാസത്തിൽ നിങ്ങൾ ഉറച്ചുനിൽക്കുക. എന്റെ മകൻ ഈശോയുടെ സുവിശേഷത്തേയും, അവന്റെ സഭയുടെ യഥാർത്ഥ പ്രബോധനത്തിൻ്റെ പഠനങ്ങളെയും നിങ്ങൾ സ്വീകരിക്കുവിൻ. മുന്നോട്ട് പോകുക. നിങ്ങൾ എന്നെ കാണുന്നില്ലെങ്കിലും, ഞാൻ നിങ്ങളോടൊപ്പമുണ്ട്. ഇന്നേ ദിവസം പരമപരിശുദ്ധ ത്രിത്വത്തിന്റെ നാമത്തിൽ ഞാൻ നിങ്ങൾക്ക് അയക്കുന്ന (നൽകുന്ന) സന്ദേശം ഇതാണ്. ഒരിക്കൽ കൂടി നിങ്ങളോടൊത്ത് ചേരാൻ എന്നെ അനുവദിച്ചതിനു നന്ദി. പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ ഞാൻ നിങ്ങളെ ആശീർവ്വദിക്കുന്നു. ആമേൻ. സമാധാനത്തിൽ ആയിരിക്കുക.
