പ്രിയ മക്കളെ, വലിയൊരു യുദ്ധത്തിലേക്കാണ് നിങ്ങൾ നടക്കുന്നത്. വിജയികളാകാൻ നിങ്ങൾ ഈശോയോടൊപ്പം നിൽക്കുക. എന്റെ ഈശോയുടെ സഭ ശക്തമായി പീഡിപ്പിക്കപ്പെടും, എന്റെ പാവപ്പെട്ട മക്കൾ കരയുകയും വിലപിക്കുകയും ചെയ്യും. നിങ്ങളുടെയുള്ളിലെ വിശ്വാസത്തിന്റെ തിരിനാളം ജ്വലിപ്പിച്ചുകൊണ്ടിരിക്കാൻ ഞാൻ നിങ്ങളോടാവശ്യപ്പെടുകയാണ്. നിങ്ങളുടെ കരങ്ങൾ എനിക്കു തരിക, നിങ്ങളുടെ യഥാർത്ഥമായ ഏക രക്ഷകനിലേക്ക് ഞാൻ നിങ്ങളെ നയിക്കാം. നിങ്ങൾ നിങ്ങളുടെ മുട്ടു കുത്തി പ്രാർത്ഥിക്കുക. ഈശോയേയും, അവന്റെ സഭയെയും നിങ്ങൾ പ്രതിരോധിക്കുക. ഞാൻ നിങ്ങളുടെ വ്യാകുലയായ മാതാവാണ്, നിങ്ങൾക്ക് വരാനിരിക്കുന്നവയെയോർത്ത് ഞാൻ വേദനയനുഭവിക്കുകയാണ്. ധൈര്യമായിരിക്കുക. നിങ്ങൾ മറക്കരുത്: ദൈവത്തിന്റെ രക്ഷാപ്രവർത്തനത്തിന്റെ മാർഗ്ഗങ്ങളാണ് കൂദാശകൾ; അവ നിങ്ങളുടെ ജീവിതത്തിനുള്ള അമൂല്യ നിധികളാണ്. നിങ്ങൾ ശ്രദ്ധാലുവായിരിക്കുക. സത്യത്തെ നിങ്ങൾ സ്നേഹിക്കുകയും കാക്കുകയും ചെയ്യുവിൻ. എന്തുതന്നെ സംഭവിച്ചാലും, ഞാൻ നിങ്ങൾക്കു കാണിച്ചു തന്ന പാതയിൽ നിങ്ങൾ ഉറച്ചു നിൽക്കുവിൻ. ഇന്നേ ദിവസം പരമപരിശുദ്ധ ത്രിത്വത്തിന്റെ നാമത്തിൽ ഞാൻ നിങ്ങൾക്ക് അയക്കുന്ന (നൽകുന്ന) സന്ദേശം ഇതാണ്. ഒരിക്കൽ കൂടി നിങ്ങളോടൊത്ത് ചേരാൻ എന്നെ അനുവദിച്ചതിനു നന്ദി. പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ ഞാൻ നിങ്ങളെ ആശീർവ്വദിക്കുന്നു. ആമേൻ. സമാധാനത്തിൽ ആയിരിക്കുക.
