പ്രിയ മക്കളെ, നിങ്ങൾ കർത്താവിൽ വിശ്വസിക്കുക. അവൻ നിങ്ങളോടു കൂടെയുണ്ട്, നിങ്ങൾ ഒന്നിനെയും ഭയപ്പെടേണ്ടതില്ല. നിങ്ങളിപ്പോൾ ജീവിക്കുന്നത് കഷ്ടതയുടെ കാലങ്ങളിലാണ്, ഇതിനെക്കാൾ വേദനാജനകമായ ഭാവിയിലേക്കാണ് നിങ്ങൾ നടന്നുകൊണ്ടിരിക്കുന്നത്. നിങ്ങൾ പ്രാർത്ഥിക്കുവിൻ. വിശ്വാസികളായ പുരുഷൻമാർക്കും സ്ത്രീകൾക്കുമുള്ള പീഡാനുഭവം വലുതായിരിക്കും. ഞാൻ നിങ്ങളുടെ വ്യാകുലയായ മാതാവാണ്, നിങ്ങൾക്ക് വരാനിരിക്കുന്നവയെയോർത്ത് ഞാൻ വേദനയനുഭവിക്കുകയാണ്. പിശാചിന്റെ വിത്ത് എല്ലായിടത്തേക്കും പകരും, എങ്കിലും എന്റെ ഈശോയോടും, അവന്റെ സഭയോടുള്ള നിങ്ങളുടെ സ്നേഹവും, കൂറും, എന്റെ വിമലഹൃദയത്തിന്റെ ഉറപ്പായ വിജയത്തിൽ പങ്കുകാരാക്കുകയും ചെയ്യുന്നു. നിങ്ങൾ പിന്തിരിയരുത്. ദൈവത്തോടു കൂടെയിരിക്കുന്ന ഒരാൾ പോലും ഒരിക്കലും പരാജയത്തിന്റെ ഭാരം അനുഭവപ്പെടുകയില്ല. വിശ്വാസത്തെ ഒറ്റുകൊടുക്കുന്നവർ പരാജയപ്പെടും; അവർ മാനസാന്തരപ്പെട്ടിട്ടില്ലെങ്കിൽ നിത്യമായി ശിക്ഷിക്കപ്പെടുന്നതാണ്. ഞാൻ കാണിച്ചു തന്ന പാതയിൽ നിങ്ങൾ ദൃഡതയോടുകൂടെ നിൽക്കുവിൻ. എന്തുതന്നെ സംഭവിച്ചാലും, നിങ്ങൾ പഴയകാല അനുഭവങ്ങളെ മറക്കരുത്. ഇന്നേ ദിവസം പരമപരിശുദ്ധ ത്രിത്വത്തിന്റെ നാമത്തിൽ ഞാൻ നിങ്ങൾക്ക് അയക്കുന്ന (നൽകുന്ന) സന്ദേശം ഇതാണ്. ഒരിക്കൽ കൂടി നിങ്ങളോടൊത്ത് ചേരാൻ എന്നെ അനുവദിച്ചതിനു നന്ദി. പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ ഞാൻ നിങ്ങളെ ആശീർവ്വദിക്കുന്നു. ആമേൻ. സമാധാനത്തിൽ ആയിരിക്കുക.
