പ്രിയ മക്കളേ, എന്റെ പുത്രനായ യേശുവിൽ നിങ്ങൾ പൂർണ്ണമായി വിശ്വസിക്കുക. അവൻ നിങ്ങളെ സ്നേഹിക്കുകയും തുറന്ന കരങ്ങളുമായി നിങ്ങളെ കാത്തിരിക്കുകയും ചെയ്യുന്നു. കുർബാനയിലെ അവന്റെ സാന്നിധ്യം അവൻ നിങ്ങൾക്ക് വാഗ്ദാനം ചെയ്യുന്ന മഹത്തായ സമ്മാനമാണ്. അവന്റെ ശരീരത്തിലും രക്തത്തിലും ആത്മാവിലും ദൈവികതയിലും കുർബാനയിൽ അവനെ സ്വീകരിക്കാൻ നിങ്ങൾ അനുഗ്രഹിക്കപ്പെട്ടിരിക്കുന്നു. മാറ്റാൻ സാധിക്കാത്ത ഈ സത്യത്തിന്റെ സംരക്ഷകരാകുക. നിങ്ങളെ ആശയക്കുഴപ്പത്തിലാക്കാൻ ശത്രുക്കൾ പ്രവർത്തിക്കുന്നു, പക്ഷേ നിങ്ങൾ ജാഗ്രത പാലിക്കുക. അത് പ്രതീകാത്മക സാന്നിധ്യമല്ല, യഥാർത്ഥ സാന്നിധ്യമാണ്. കുർബാനയെക്കുറിച്ചുള്ള എന്റെ യേശുവിന്റെ സഭയുടെ യഥാർത്ഥ മജിസ്റ്റീരിയത്തിന്റെ പഠിപ്പിക്കലുകൾ നിങ്ങൾ ശ്രദ്ധിക്കുക. അവർ വിപരീതമായി പഠിപ്പിക്കുന്നതെന്തും ദുഷ്ടനിൽ നിന്നാണ് വരുന്നത്. സത്യത്തെ സംരക്ഷിച്ചു ക്കണ്ട മുന്നോട്ട് നീങ്ങുക! നിങ്ങൾ പ്രാർത്ഥിക്കുന്ന സ്ത്രീകളും പുരുഷന്മാരുമായിരിക്കുക. മനുഷ്യകുലം ആത്മീയമായി അന്ധരാണ്, ദൈവത്തിന്റെ വെളിച്ചം ആവശ്യമാണ്. നിങ്ങളുടെ ഹൃദയങ്ങൾ തുറന്ന് നിങ്ങളുടെ ജീവിതത്തിനായുള്ള കർത്താവിന്റെ ഹിതം സ്വീകരിക്കുക. പരിശുദ്ധ ത്രിത്വത്തിന്റെ നാമത്തിൽ ഞാൻ ഇന്ന് നിങ്ങൾക്ക് കൈമാറുന്ന സന്ദേശം ഇതാണ്. ഒരിക്കൽ കൂടി നിങ്ങളെ ഇവിടെ ഒന്നിപ്പിക്കാൻ എന്നെ അനുവദിച്ചതിന് നന്ദി. പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ ഞാൻ നിങ്ങളെ ആശീർവദിക്കുന്നു. ആമേൻ. നിങ്ങൾ സമാധാനത്തോടെ ഇരിക്കുവിൻ.
