പ്രിയ മക്കളേ, നിങ്ങൾ ലോകത്തിൽ നിന്ന് മാറി സ്വർഗത്തിനായി ജീവിക്കുക, അതിനായി നിങ്ങൾ അദ്വിതീയമായി സൃഷ്ടിക്കപ്പെട്ടിരിക്കുന്നു. എന്റെ കർത്താവ് നിങ്ങളെ സ്നേഹിക്കുകയും തുറന്ന കരങ്ങളോടെ നിങ്ങളെ കാത്തിരിക്കുകയും ചെയ്യുന്നു. നിങ്ങളെ ദൈവത്തിൽ നിന്ന് അകറ്റുകയും ആത്മീയ അന്ധതയിലേക്ക് നയിക്കുകയും ചെയ്യുന്ന പാപത്തിൽ നിന്ന് നിങ്ങളെതന്നെ അകറ്റി നിർത്തുക. കുമ്പസാരമെന്ന കൂദാശയിലൂടെ എന്റെ ഈശോയുടെ കരുണ തേടുക. ശക്തരാകാൻ കുർബാനയുടെ വിലയേറിയ ഭക്ഷണം നിങ്ങൾ ഭക്ഷിക്കുക. പ്രളയകാലത്തെക്കാൾ മോശമായ സമയത്താണ് നിങ്ങൾ ജീവിക്കുന്നത്, നിങ്ങളുടെ മഹത്തായ തിരിച്ചുവരവിനുള്ള നിമിഷം വന്നിരിക്കുന്നു. സ്രഷ്ടാവിനേക്കാൾ സൃഷ്ടിയെ വിലമതിക്കുന്നതിനാൽ മനുഷ്യരാശി കഷ്ടപ്പാടുകളുടെ കയ്പേറിയ പാനപാത്രം കുടിക്കുകയും ചെയ്യും. നിങ്ങൾക്ക് പ്രയാസകരമായ സമയങ്ങൾ വരും, എന്നാൽ നിങ്ങൾ പിന്മാറരുത്. ഞാൻ നിങ്ങളുടെ അരികിലുണ്ടാകും. നിങ്ങൾ മറക്കരുത്: നിങ്ങളുടെ വിജയം കർത്താവിലാണ്. നിങ്ങൾ എപ്പോഴും ഓർക്കുക: കൈകളിൽ, വിശുദ്ധ ജപമാലയും വിശുദ്ധ ഗ്രന്ഥവും; ഹൃദയത്തിൽ, സത്യത്തോടുള്ള സ്നേഹവും. ധൈര്യമായിരിക്കുക! നിങ്ങൾക്ക് വേണ്ടി ഞാൻ എന്റെ ഈശോയോട് പ്രാർത്ഥിക്കാം. പരിശുദ്ധ ത്രിത്വത്തിന്റെ നാമത്തിൽ ഞാൻ ഇന്ന് നിങ്ങൾക്ക് കൈമാറുന്ന സന്ദേശം ഇതാണ്. ഒരിക്കൽ കൂടി നിങ്ങളെ ഇവിടെ ഒന്നിപ്പിക്കാൻ എന്നെ അനുവദിച്ചതിന് നന്ദി. പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ ഞാൻ നിങ്ങളെ ആശീർവദിക്കുന്നു. ആമേൻ. നിങ്ങൾ സമാധാനത്തോടെ ഇരിക്കുവിൻ.
