പ്രിയ മക്കളെ, ഞാൻ നിങ്ങളുടെ മാതാവാണ്, ഞാൻ സ്വർഗ്ഗത്തിൽനിന്നും വന്നത് നിങ്ങളെ സഹായിക്കാനാണ്. നിങ്ങളുടെ ആവശ്യങ്ങളും കഷ്ടപ്പാടുകളും എനിക്കറിയാം. നിങ്ങളുടെ വിശ്വാസത്തിന്റെ തിരിനാളം ജ്വലിപ്പിച്ചുകൊണ്ടിരിക്കാൻ ഞാൻ നിങ്ങളോടാവശ്യപ്പെടുകയാണ്. നിങ്ങളെ പ്രബുദ്ധമാക്കുകയും എന്റെ പുത്രനായ ഈശോയുടെ അടുത്തേക്ക് നിങ്ങളെ നയിക്കുകയും ചെയ്യുന്ന വെളിച്ചമാണ് വിശ്വാസം. നിങ്ങളുടെ കണ്ണുനീർ തുടയ്ക്കാനാണ് ഞാൻ സ്വർഗ്ഗത്തിൽ നിന്നും വന്നിരിക്കുന്നത്. എന്റെ സ്നേഹം സ്വീകരിക്കുക, ഞാൻ നിങ്ങളെ വിശുദ്ധിയിലേക്ക് നയിക്കാം. സംശയങ്ങളുടെയും, അനിശ്ചിതത്വങ്ങളുടെയും ഭാവിയിലേക്കാണ് നിങ്ങൾ നടക്കുന്നത്. നിങ്ങൾ ശ്രദ്ധാലുവായിരിക്കുക. വിശ്വാസത്തിന്റെ വലിയ തകർച്ചയിൽ, എന്റെ ഭക്തർ, കർത്താവിനാൽ സംരക്ഷിക്കപ്പെടും. ധൈര്യമായിരിക്കുക. നിങ്ങൾ തനിച്ചല്ല. നിങ്ങളുടെ കുരിശിന്റെ ഭാരം നിങ്ങൾക്കനുഭവപ്പെടുമ്പോൾ, ഈശോയെ വിളിക്കുക. അവിടുന്നിലാകുന്നു നിങ്ങളുടെ യഥാർത്ഥ വിടുതലും മോക്ഷവും. ഞാൻ സ്വർഗ്ഗത്തിൽ നിന്നും വന്നത് നിങ്ങളെ പരിപാലിക്കാനാണ്. നിങ്ങൾ വിധേയമുള്ളവരായിരിക്കുക. നിങ്ങൾ സൗമ്യതയും എളിമയുമുള്ള ഹൃദയമുള്ളവരായിരിക്കുക. സത്യത്തിന്റെ പ്രതിരോധത്തിൽ മുന്നേറുക. ഇന്നേ ദിവസം പരമപരിശുദ്ധ ത്രിത്വത്തിന്റെ നാമത്തിൽ ഞാൻ നിങ്ങൾക്ക് അയക്കുന്ന (നൽകുന്ന) സന്ദേശം ഇതാണ്. ഒരിക്കൽ കൂടി നിങ്ങളോടൊത്ത് ചേരാൻ എന്നെ അനുവദിച്ചതിനു നന്ദി. പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ ഞാൻ നിങ്ങളെ ആശീർവ്വദിക്കുന്നു. ആമേൻ. സമാധാനത്തിൽ ആയിരിക്കുക.
