പ്രിയ മക്കളെ, നിങ്ങൾ നിങ്ങളുടെ മുട്ടു കുത്തി പ്രാർത്ഥിക്കുവിൻ. ഇടതൂർന്ന അന്ധകാരം സഭയുടെ മേൽ പതിക്കുകയും, എൻ്റെ പാവപ്പെട്ട മക്കളിൽ പലരും അന്ധരെ നയിക്കുന്ന അന്ധന്മാരെപ്പോലെ നടക്കുകയും ചെയ്യും. വിശ്വാസവഞ്ചകർ സത്യം ഉപേക്ഷിക്കുകയും, വിശ്വാസികളായ പുരുഷൻമാരെയും സ്ത്രീകളെയും ആശയക്കുഴപ്പത്തിലാക്കുകയും ചെയ്യും. നിങ്ങൾക്കു വരാനിരിക്കുന്നവയെയോർത്ത് ഞാൻ വേദനയനുഭവിക്കുകയാണ്. നിങ്ങൾ കർത്താവിൻ്റെ വെളിച്ചം തേടുക. മോക്ഷത്തിൻ്റെ പാതയിൽ നിന്നും നിങ്ങളെ അകറ്റാൻ വ്യാജ പ്രബോധനങ്ങളുടെ അന്ധകാരത്തെ നിങ്ങൾ അനുവദിക്കരുത്. നിങ്ങൾ ഈശോയോടു കൂടെയായിരിക്കുക. നിങ്ങളുടെ യഥാർത്ഥ മോചനവും മോക്ഷവും അവിടുന്നിലാകുന്നു. നിങ്ങൾ സത്യത്തെ സ്നേഹിക്കുകയും, കാക്കുകയും ചെയ്യുവിൻ, ഒരിക്കലും നിങ്ങൾ ചതിക്കപ്പെടുകയില്ല. നിങ്ങളുടെ കരങ്ങൾ എനിക്കു തരിക, ഞാൻ നിങ്ങളെ എന്റെ പുത്രനായ ഈശോയിലേയ്ക്ക് നയിക്കാം. സത്യത്തെ കാത്തുകൊണ്ട് മുന്നോട്ടു പോകുക. ഇന്നേ ദിവസം പരമപരിശുദ്ധ ത്രിത്വത്തിന്റെ നാമത്തിൽ ഞാൻ നിങ്ങൾക്ക് അയക്കുന്ന (നൽകുന്ന) സന്ദേശം ഇതാണ്. ഒരിക്കൽ കൂടി നിങ്ങളോടൊത്ത് ചേരാൻ എന്നെ അനുവദിച്ചതിനു നന്ദി. പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ ഞാൻ നിങ്ങളെ ആശീർവ്വദിക്കുന്നു. ആമേൻ. സമാധാനത്തിൽ ആയിരിക്കുക.
