പ്രിയ മക്കളെ, ഞാൻ നിങ്ങളുടെ മാതാവാണ്, ഞാൻ നിങ്ങളെ സ്നേഹിക്കുന്നു. പൂർണ്ണമായും എൻ്റെ മകൻ ഈശോയുടേതാകുവാൻ ഞാൻ നിങ്ങളോടാവശ്യപ്പെടുകയാണ്, എന്തെന്നാൽ നിങ്ങളുടെ ഏക വഴിയും, സത്യവും, ജീവനും, അവനാകുന്നു. വേദനയുടെ സമയത്താണ് നിങ്ങൾ ജീവിക്കുന്നത്, മോക്ഷത്തിൻ്റെയും, സമാധാനത്തിൻ്റെയും ദൈവത്തിലേക്ക് മടങ്ങി വരവിനായുള്ള നിങ്ങളുടെ സമയം ആഗതമായിരിക്കുന്നു. നിങ്ങൾ തനിച്ചല്ലെന്നാണ് എനിക്ക് നിങ്ങളോടു പറയാനുള്ളത്. തീർച്ചയായും ഈ പ്രയാസകരമായ നിമിഷങ്ങളിലാണ് എന്റെ ഈശോ നിങ്ങളോടേറ്റവും അടുത്തുള്ളത്. നിങ്ങൾ നിരാശരാകരുത്. നിങ്ങളുടെ കുരിശ് ഇനിയും വലുതായിരിക്കുക തന്നെ ചെയ്യും, എങ്കിലും നിങ്ങൾ നിങ്ങളുടെ വിശ്വാസം നഷ്ടപ്പെടുത്തരുത്. നിങ്ങൾ ദൈവത്തിൻ്റെ ശക്തിയിൽ വിശ്വസിക്കുക, നിങ്ങൾ വിജയികളാകും. നിങ്ങൾ കുരിശിനു മുമ്പാകെ ധാരാളം പ്രാർത്ഥിക്കുക. നിങ്ങളുടെ ആദ്ധ്യാത്മിക ജീവിതത്തിൽ നിങ്ങൾ കരുതലുള്ളവരാകുക, ഞാൻ നിങ്ങൾക്കു കാണിച്ചു തന്ന പാതയിൽ നിന്നും നിങ്ങൾ വ്യതിചലിക്കരുത്. ധൈര്യമായിരിക്കുക. ഒരമ്മ തൻ്റെ മക്കളെ എത്രത്തോളം സ്നേഹിക്കുമെന്ന് നിങ്ങൾക്കറിയാമല്ലോ. നിങ്ങൾ നിങ്ങളുടെ കരങ്ങൾ എനിക്കു തരിക, എല്ലായ്പ്പോഴും നിങ്ങൾ സുരക്ഷിതരായിരിക്കും. വലിയൊരു കൊടുങ്കാറ്റു വരികയും, ദൈവ ഭവനത്തിൽ അടിക്കുകയും ചെയ്യും. എന്റെ ഈശോയുടെ സഭയുടെ യഥാർത്ഥ പ്രബോധനത്തോട് നിങ്ങൾ വിശ്വസ്തരായിരിക്കുവിൻ, അതുമൂലം വ്യാജ തത്വങ്ങളുടെ ചെളിയിൽ പുരണ്ട് നിങ്ങൾ തുടച്ചു നീക്കപ്പെടുകയില്ല. സത്യത്തെ പ്രതിരോധിക്കാൻ മുന്നോട്ട് പോകുക. ഇന്നേ ദിവസം പരമപരിശുദ്ധ ത്രിത്വത്തിന്റെ നാമത്തിൽ ഞാൻ നിങ്ങൾക്ക് അയക്കുന്ന (നൽകുന്ന) സന്ദേശം ഇതാണ്. ഒരിക്കൽ കൂടി നിങ്ങളോടൊത്ത് ചേരാൻ എന്നെ അനുവദിച്ചതിനു നന്ദി. പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ ഞാൻ നിങ്ങളെ ആശീർവ്വദിക്കുന്നു. ആമേൻ. സമാധാനത്തിൽ ആയിരിക്കുക.
