പ്രിയ മക്കളെ, നിങ്ങൾ നിങ്ങളെത്തന്നെ പ്രോത്സാഹിപ്പിക്കുകയും, ക്രിസ്ത്യാനികളെന്ന നിലയിൽ നിങ്ങൾ നിങ്ങളുടെ യഥാർത്ഥ കർത്തവ്യം ഏറ്റെടുക്കുകയും ചെയ്യുക. നിങ്ങൾ കർത്താവിന്റേതാണ്, നിങ്ങൾ അനുഗമിക്കുകയും, ശുശ്രൂഷിക്കുകയും ചെയ്യേണ്ടത് അവനെ മാത്രമാകുന്നു. നിങ്ങൾ ഭയപ്പെടരുത്. ഈ ജീവിതത്തിലുള്ള എല്ലാം കടന്നുപോകും, എങ്കിലും നിങ്ങളിലുള്ള ദൈവകൃപ നിത്യമായതാണ്. വേദനയുടെ കാലത്താണ് നിങ്ങൾ ജീവിക്കുന്നത്. എൻ്റെ ഈശോയുടെ വചനങ്ങളിലൂടെ നിങ്ങൾ ശക്തി കണ്ടെത്തുവിൻ, എങ്കിൽ മാത്രമെ ലോകത്തിൻ്റെ കൗതുകങ്ങളിൽ നിങ്ങൾ വഞ്ചിതരാവാതിരിക്കുകയുള്ളൂ. എന്റെ ഈശോയുടെ സഭയുടെ യഥാർത്ഥ പ്രബോധനത്തോട് നിങ്ങൾ വിശ്വസ്തരായിരിക്കുക. നിങ്ങളുടെയുള്ളിലെ വിശ്വാസത്തിന്റെ തിരിനാളം ജ്വലിപ്പിച്ചുകൊണ്ടിരിക്കാൻ ഞാൻ നിങ്ങളോടാവശ്യപ്പെടുകയാണ്. നിങ്ങൾ അവനെ കാണുന്നില്ലെങ്കിലും, എന്റെ ഈശോ നിങ്ങളോടുകൂടെയുണ്ട്. ഭയാനകമായ (മനസ്സിനെ വേട്ടയാടുന്ന) ഒരു സംഭവം ദൈവ ഭവനത്തിൽ നടക്കുകയും, അനേകരുടെ വിശ്വാസത്തിന് ഇളക്കം സംഭവിക്കുകയും ചെയ്യും. നിങ്ങൾ ശ്രദ്ധാലുവായിരിക്കുക. നിങ്ങൾ എന്നെ ശ്രവിക്കുക. എന്തുതന്നെ സംഭവിച്ചാലും, നിങ്ങൾ സത്യത്തിൽ നിന്നും വേർപിരിയരുത്. ഞാൻ നിങ്ങളെ സ്നേഹിക്കുന്നു, ഞാൻ എപ്പോഴും നിങ്ങളോടൊപ്പമുണ്ടാകുകയും ചെയ്യും. ഇന്നേ ദിവസം പരമപരിശുദ്ധ ത്രിത്വത്തിന്റെ നാമത്തിൽ ഞാൻ നിങ്ങൾക്ക് അയക്കുന്ന (നൽകുന്ന) സന്ദേശം ഇതാണ്. ഒരിക്കൽ കൂടി നിങ്ങളോടൊത്ത് ചേരാൻ എന്നെ അനുവദിച്ചതിനു നന്ദി. പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ ഞാൻ നിങ്ങളെ ആശീർവ്വദിക്കുന്നു. ആമേൻ. സമാധാനത്തിൽ ആയിരിക്കുക.
