പ്രിയ മക്കളെ, ദൈവം നിങ്ങൾക്ക് നൽകുന്ന കൃപ നിങ്ങൾ നിരസിക്കരുത്. ഞാൻ സ്വർഗ്ഗത്തിൽ നിന്നും വന്നത് നിങ്ങളെ സഹായിക്കാനാണ്, എങ്കിലും നിങ്ങൾക്ക് സ്വാതന്ത്ര്യമുണ്ട്. എല്ലാ കാര്യത്തിലും ദൈവഹിതം നിറവേറ്റാൻ ഞാൻ നിങ്ങളോടാവശ്യപ്പെടുകയാണ്. ഈ ലോകത്തിൽ നിന്നും വേർപെടുകയും, വിശ്വസ്തതയോടുകൂടെ കർത്താവിനെ ശുശ്രൂഷിക്കുകയും ചെയ്യുക. നിങ്ങളുടെ ആദ്ധ്യാത്മിക ജീവിതത്തോട് നിങ്ങൾ കരുതലുള്ളവരാകുക. അധികം ലഭിച്ചവനില്‍നിന്ന്‌ അധികം ആവശ്യപ്പെടും; എന്ന കാര്യം മറക്കരുത്. നിങ്ങൾ മുട്ടുകുത്തി പ്രാർത്ഥിക്കുക. ക്ലേശകരമായ സമയങ്ങൾ വരവായി, ഈശോയുടെ സുവിശേഷത്തിൽ വിശ്വസ്തതയോടെ നിലകൊള്ളുന്നവരും, അവന്റെ സഭയുടെ യഥാർത്ഥ പ്രബോധനങ്ങളിൽ നിലകൊള്ളുന്നവരും രക്ഷപ്രാപിക്കും. ചെകുത്താന്റെ പുക എന്റെ ധാരാളം മക്കളിൽ ആത്മീയാന്ധത സൃഷ്ടിക്കും. നിങ്ങൾക്കു വരാൻ പോകുന്നതിനെയോർത്ത് ഞാൻ വേദനിക്കുകയാണ്. വളരെ പെട്ടെന്ന് നിങ്ങൾ മടങ്ങി വരിക. ഇന്നേ ദിവസം പരമപരിശുദ്ധ ത്രിത്വത്തിന്റെ നാമത്തിൽ ഞാൻ നിങ്ങൾക്ക് അയക്കുന്ന (നൽകുന്ന) സന്ദേശം ഇതാണ്. ഒരിക്കൽ കൂടി നിങ്ങളോടൊത്ത് ചേരാൻ എന്നെ അനുവദിച്ചതിനു നന്ദി. പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ ഞാൻ നിങ്ങളെ ആശീർവ്വദിക്കുന്നു. ആമേൻ. സമാധാനത്തിൽ ആയിരിക്കുക.
