പ്രിയ മക്കളെ, ഞാൻ നിങ്ങളുടെ മാതാവാകുന്നു, ഞാൻ സ്വർഗ്ഗത്തിൽ നിന്ന് വന്നത് നിങ്ങളെ വിശുദ്ധിയിലേക്ക് വിളിക്കാനാണ്. ധൈര്യമായിരിക്കുക. വിശുദ്ധിയിലേയ്ക്കുള്ള പാത തടസ്സങ്ങൾ കൊണ്ടു നിറഞ്ഞതാണ്, എങ്കിലും നിങ്ങൾ തനിച്ചല്ല. എന്റെ ഈശോ നിങ്ങളെ സ്നേഹിക്കുകയും നിങ്ങളോടൊപ്പം നടക്കുകയും ചെയ്യുന്നു. നിങ്ങൾ ആയിരിക്കുന്ന അവസ്ഥയിൽ നിങ്ങളെ പൂർണ്ണമായും അവനു നൽകുക, നിങ്ങളുടെ വിശ്വാസം മഹത്തായതായിരിക്കും. മനുഷ്യൻ സ്രഷ്ടാവിൽ നിന്ന് സ്വയം അകന്നതുമൂലം മനുഷ്യകുലം ആത്മീയമായ ദാരിദ്രത്തിലായിരിക്കുന്നു. തിരികെ വരിക. നിങ്ങളുടെ കൈകൾ നിങ്ങൾ കൂട്ടിക്കെട്ടരുത്. ദൈവം തിടുക്കത്തിലാണ്. ഇപ്പോൾ ചെയ്യേണ്ട കാര്യങ്ങൾ നിങ്ങൾ നാളെയ്ക്കായി മാറ്റിവെക്കരുത്. ഈ ക്ലേശങ്ങളുടെ സമയത്ത്, പ്രാർത്ഥനയിലും, ദിവ്യകാരുണ്യത്തിലും (പരിശുദ്ധ കുർബാനയിൽ) ശക്തി കണ്ടെത്തുക. നിങ്ങളുടെയുള്ളിലെ വിശ്വാസത്തിന്റെ തിരിനാളം അണഞ്ഞുപോകാൻ അനുവദിക്കരുത്. നിങ്ങൾ ദൈവത്തിൽ നിന്നുള്ളവരാകുന്നു, നിങ്ങൾ ദൈവത്തെ മാത്രമെ അനുഗമിക്കുകയും ശുശ്രൂഷിക്കുകയും ചെയ്യാവൂ. ഞാൻ നിങ്ങളെ നിർബന്ധിക്കാൻ ആഗ്രഹിക്കുന്നില്ല, എങ്കിലും നിങ്ങൾ എനിക്ക് വിധേയരാവുകയും അനുസരിക്കുകയും ചെയ്യുവിൻ. മഹത്തായൊരു പീഡനത്തിലേക്കാണ് നിങ്ങൾ നടന്നുകൊണ്ടിരിക്കുന്നത്, ദൈവത്തിന്റെ വിജയം നീതിമാൻമാർക്കുണ്ടാകും. എല്ലാം നഷ്ടമായി എന്നു വിചാരിക്കുമ്പോൾ ദൈവം പ്രവർത്തിക്കുകയും, നിങ്ങൾ ആശ്വസിക്കപ്പെടുകയും ചെയ്യും. അവൻ നിങ്ങളുടെ കണ്ണുനീർ തുടച്ചുമാറ്റുകയും, നിങ്ങളുടെ എല്ലാം ശുഭമായ അവസാനിക്കുകയും ചെയ്യും. ഭയം കൂടാതെ മുന്നോട്ടു പോകുക. ഇന്നേ ദിവസം പരമപരിശുദ്ധ ത്രിത്വത്തിന്റെ നാമത്തിൽ ഞാൻ നിങ്ങൾക്ക് അയക്കുന്ന (നൽകുന്ന) സന്ദേശം ഇതാണ്. ഒരിക്കൽ കൂടി നിങ്ങളോടൊത്ത് ചേരാൻ എന്നെ അനുവദിച്ചതിനു നന്ദി. പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ ഞാൻ നിങ്ങളെ ആശീർവ്വദിക്കുന്നു. ആമേൻ. സമാധാനത്തിൽ ആയിരിക്കുക.
